Краткие молитвы на сон грядущий читать. Вечерние молитвы ко господу на сон грядущий
ПредисловиеМолитвенное правило мирянина состоит из утренних и вечерних молитв, которые совершаются ежедневно. Этот ритм необходим, ибо в противном случае душа легко выпадает из молитвенной жизни, как бы просыпаясь лишь от случая к случаю. В молитве же, как и во всяком большом и трудном деле, одного вдохновения, настроения и импровизации недостаточно.
Существует полное молитвенное правило, рассчитанное на монахов и духовно опытных мирян, которое напечатано в Православном молитвослове .
Однако тем, кто только начинает навыкать молитве, трудно сразу начать читать положенное правило всё целиком. Обычно духовники советуют начинать с нескольких молитв, и затем каждые 7-10 дней добавлять к правилу по одной молитве, чтобы навык читать правило выработался постепенно и естественно.
Кроме того, у мирян иногда возникают ситуации, когда времени для молитвы остаётся мало, и в таком случае лучше со вниманием и благоговением прочитать краткое правило, чем торопливо и поверхностно, без молитвенного настроя, механически вычитывать полное правило.
Так, воспитывая разумное отношение к молитвенному правилу, святитель Феофан Затворник пишет одному семейному лицу:
«Благослови, Господи, и продолжать молитву по вашему правилу. Но никогда не вяжите себя правилом и не думайте, что есть что-либо ценное в том, что имеете такое правило или всегда его совершаете. Вся цена в сердечном пред Богом припадании. Вон святые пишут, что если кто от молитвы не отходит осужденником, достойным всякой кары от Господа, то такой отходит от нее фарисеем. Другой говорил: "стоя на молитве, стой как на Страшном Суде, когда готово изыти решительное Божие о тебе определение: отойди или прииди".
Всячески избегать надо формальности и механизма в молитве. Пусть это всякий раз будет делом обдуманного свободного решения, и совершать его с сознанием и чувством, а не кое-как. На случай надо уметь сокращать правило. Мало ли в семейной жизни случайностей?.. Можно, например, утром и вечером, когда нет времени, прочитать на память только молитвы утренние и на сон грядущим. Можно даже и их не все читать, а по нескольку. Можно совсем ничего не читать, а положить несколько поклонов, но с истинною сердечною молитвою. С правилом должно обращаться с полною свободою. Будьте госпожа правила, а не раба. Раба же только Божия, обязанная все минуты жизни своей посвящать на угождение Ему».
Для таких случаев существует установленное краткое молитвенное правило , рассчитанное на всех верующих.
Утром оно включает:
«Царю Небесный», Трисвятое, «Отче наш», «Богородице Дево», «От сна восстав», «Помилуй мя, Боже», «Верую», «Боже, очисти», «К Тебе, Владыко», «Святый Ангеле», «Пресвятая Владычице», призывание святых, молитва за живых и усопших.
Вечером в него входят:
«Царю Небесный», Трисвятое, «Отче наш», «Помилуй нас, Господи», «Боже вечный», «Благаго Царя», «Ангеле Христов», от «Взбранной Воеводе» до «Достойно есть».
Молитвы утренние
Во имя Отца, и Сына, и Святаго Духа, Аминь.Молитва предначинательная
Господи Иисусе Христе, Сыне Божий, молитв ради Пречистыя Твоея Матере и всех святых, помилуй нас. Аминь.
Трисвятое
Святый Боже, Святый Крепкий, Святый Безсмертный, помилуй нас.
(Читается трижды, с крестным знамением и поясным поклоном.)
Молитва Господня
Песнь Пресвятой Богородице
Богородице Дево, радуйся, Благодатная Марие, Господь с Тобою; благословена Ты в женах и благословен плод чрева Твоего, яко Спаса родила еси душ наших.
Молитва ко Пресвятой Троице
От сна востав, благодарю Тя, Святая Троице, яко многия ради Твоея благости и долготерпения не прогневался еси на мя, лениваго и грешнаго, ниже погубил мя еси со беззаконьми моими; но человеколюбствовал еси обычно и в нечаянии лежащаго воздвигл мя еси, во еже утреневати и славословити державу Твою. И ныне просвети мои очи мысленныя, отверзи моя уста поучатися словесем Твоим, и разумети заповеди Твоя, и творити волю Твою, и пети Тя во исповедании сердечнем, и воспевати всесвятое имя Твое, Отца и Сына и Святаго Духа, ныне и присно и во веки веков. Аминь.
Приидите, поклонимся Цареви нашему Богу. (Поклон)
Приидите, поклонимся и припадем Христу, Цареви нашему Богу. (Поклон)
Приидите, поклонимся и припадем Самому Христу, Цареви и Богу нашему. (Поклон)
Псалом 50
Помилуй мя, Боже, по велицей милости Твоей, и по множеству щедрот Твоих очисти беззаконие мое. Наипаче омый мя от беззакония моего, и от греха моего очисти мя; яко беззаконие мое аз знаю, и грех мой предо мною есть выну. Тебе Единому согреших и лукавое пред Тобою сотворих, яко да оправдишися во словесех Твоих, и победиши внегда судити Ти. Се бо, в беззакониях зачат есмь, и во гресех роди мя мати моя. Се бо, истину возлюбил еси; безвестная и тайная премудрости Твоея явил ми еси. Окропиши мя иссопом, и очищуся; омыеши мя, и паче снега убелюся. Слуху моему даси радость и веселие; возрадуются кости смиренныя. Отврати лице Твое от грех моих и вся беззакония моя очисти. Сердце чисто созижди во мне, Боже, и дух прав обнови во утробе моей. Не отвержи мене от лица Твоего и Духа Твоего Святаго не отыми от мене. Воздаждь ми радость спасения Твоего и Духом владычним утверди мя. Научу беззаконыя путем Твоим, и нечестивии к Тебе обратятся. Избави мя от кровей, Боже, Боже спасения моего; возрадуется язык мой правде Твоей. Господи, устне мои отверзеши, и уста моя возвестят хвалу Твою. Яко аще бы восхотел еси жертвы, дал бых убо: всесожжения не благоволиши. Жертва Богу дух сокрушен; сердце сокрушенно и смиренно Бог не уничижит. Ублажи, Господи, благоволением Твоим Сиона, и да созиждутся стены Иерусалимския. Тогда благоволиши жертву правды, возношение и всесожегаемая; тогда возложат на oлтарь Твой тельцы.
Символ веры
Верую во единаго Бога Отца, Вседержителя, Творца небу и земли, видимым же всем и невидимым. И во единаго Господа Иисуса Христа, Сына Божия, Единороднаго, Иже от Отца рожденнаго прежде всех век; Света от Света, Бога истинна от Бога истинна, рожденна, несотворенна, единосущна Отцу, Имже вся быша. Нас ради человек и нашего ради спасения сшедшаго с небес и воплотившагося от Духа Свята и Марии Девы и вочеловечшася. Распятаго же за ны при Понтийстем Пилате, и страдавша, и погребенна. И воскресшаго в третий день по Писанием. И возшедшаго на небеса, и седяща одесную Отца. И паки грядущаго со славою судити живым и мертвым, Егоже Царствию не будет конца. И в Духа Святаго, Господа, Животворящаго, Иже от Отца исходящего, Иже со Отцем и Сыном спокланяема и сславима, глаголавшаго пророки. Во едину Святую, Соборную и Апостольскую Церковь. Исповедую едино крещение во оставление грехов. Чаю воскресения мертвых, и жизни будущаго века. Аминь.
Молитва первая, святого Макария Великого
Боже, очисти мя грешнаго, яко николиже сотворих благое пред Тобою; но избави мя от лукаваго, и да будет во мне воля Твоя, да неосужденно отверзу уста моя недостойная и восхвалю имя Твое святое, Отца и Сына и Святаго Духа, ныне и присно и во веки веков Аминь.
Молитва того же святого
К Тебе, Владыко Человеколюбче, от сна востав прибегаю, и на дела Твоя подвизаюся милосердием Твоим, и молюся Тебе: помози ми на всякое время, во всякой вещи, и избави мя от всякия мирския злыя вещи и диавольскаго поспешения, и спаси мя, и введи в Царство Твое вечное. Ты бо еси мой Сотворитель и всякому благу Промысленник и Податель, о Тебе же все упование мое, и Тебе славу возсылаю, ныне и присно и во веки веков. Аминь.
Молитва к Ангелу хранителю
Святый Ангеле, предстояй окаянной моей души и страстной моей жизни, не остави мене грешнаго, ниже отступи от мене за невоздержание мое. Не даждь места лукавому демону обладати мною, насильством смертнаго сего телесе; укрепи бедствующую и худую мою руку и настави мя на путь спасения. Ей, святый Ангеле Божий, хранителю и покровителю окаянныя моея души и тела, вся мне прости, еликими тя оскорбих во вся дни живота моего, и аще что согреших в прешедшую нощь сию, покрый мя в настоящий день, и сохрани мя от всякаго искушения противнаго, да ни в коем гресе прогневаю Бога, и молися за мя ко Господу, да утвердит мя в страсе Своем, и достойна покажет мя раба Своея благости. Аминь.
Молитва ко Пресвятой Богородице
Пресвятая Владычице моя Богородице, святыми Твоими и всесильными мольбами отжени от мене, смиреннаго и окаяннаго раба Твоего, уныние, забвение, неразумие, нерадение, и вся скверная, лукавая и хульная помышления от окаяннаго моего сердца и от помраченнаго ума моего; и погаси пламень страстей моих, яко нищ есмь и окаянен. И избави мя от многих и лютых воспоминаний и предприятий, и от всех действ злых свободи мя. Яко благословена еси от всех родов, и славится пречестное имя Твое во веки веков. Аминь.
Молитвенное призывание святого, имя которого носишь
Моли Бога о мне, святый угодниче Божий (имя)
, яко аз усердно к тебе прибегаю, скорому помощнику и молитвеннику о душе моей.
Молитва о живых
Спаси, Господи, и помилуй отца моего духовнаго (имя) , родителей моих (имена) , сродников (имена), начальников, наставников, благодетелей (имена их) и всех православных христиан.
Молитва о усопших
Упокой, Господи, души усопших раб Твоих: родителей моих, сродников, благодетелей (имена их)
, и всех православных христиан, и прости им вся согрешения вольная и невольная, и даруй им Царствие Небесное.
Окончание молитв
Достойно есть яко воистину блажити Тя Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Господи, Иисусе Христе, Сыне Божий, молитв ради Пречистыя Твоея Матере, преподобных и богоносных отец наших и всех святых помилуй нас. Аминь.
Молитвы на сон грядущим
Во имя Отца, и Сына, и Святаго Духа. Аминь.Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Трижды)
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Тропари
Помилуй нас, Господи, помилуй нас; всякаго бо ответа недоумеюще, сию Ти молитву яко Владыце грешнии приносим: помилуй нас.
Слава: Господи, помилуй нас, на Тя бо уповахом; не прогневайся на ны зело, ниже помяни беззаконий наших, но призри и ныне яко благоутробен, и избави ны от враг наших; Ты бо еси Бог наш, и мы людие Твои, вси дела руку Твоею, и имя Твое призываем.
И ныне:
Милосердия двери отверзи нам, благословенная Богородице, надеющиися на Тя да не погибнем, но да избавимся Тобою от бед: Ты бо еси спасение рода христианскаго.
Господи, помилуй. (12 раз
)
Молитва 1-я, святого Макария Великого, к Богу Отцу
Боже вечный и Царю всякаго создания, сподобивый мя даже в час сей доспети, прости ми грехи, яже сотворих в сей день делом, словом и помышлением, и очисти, Господи, смиренную мою душу от всякия скверны плоти и духа. И даждь ми, Господи, в нощи сей сон прейти в мире, да востав от смиреннаго ми ложа, благоугожду пресвятому имени Твоему, во вся дни живота моего, и поперу борющия мя враги плотския и безплотныя. И избави мя, Господи, от помышлений суетных, оскверняющих мя, и похотей лукавых. Яко Твое есть царство, и сила и слава, Отца и Сына и Святаго Духа, ныне и присно и во веки веков. Аминь.
Молитва ко Пресвятой Богородице
Благаго Царя благая Мати, Пречистая и Благословенная Богородице Марие, милость Сына Твоего и Бога нашего излей на страстную мою душу и Твоими молитвами настави мя на деяния благая, да прочее время живота моего без порока прейду и Тобою рай да обрящу, Богородице Дево, едина Чистая и Благословенная.
Молитва ко святому Ангелу хранителю
Ангеле Христов, хранителю мой святый и покровителю души и тела моего, вся ми прости, елика согреших во днешний день, и от всякаго лукавствия противнаго ми врага избави мя, да ни в коемже гресе прогневаю Бога моего; но моли за мя грешнаго и недостойнаго раба, яко да достойна мя покажеши благости и милости Всесвятыя Троицы и Матере Господа моего Иисуса Христа и всех святых. Аминь.
Кондак Богородице
Взбранной Воеводе победительная, яко избавльшеся от злых, благодарственная восписуем Ти раби Твои, Богородице, но яко имущая державу непобедимую, от всяких нас бед свободи, да зовем Ти; радуйся, Невесто Неневестная.
Преславная Приснодево, Мати Христа Бога, принеси нашу молитву Сыну Твоему и Богу нашему, да спасет Тобою души наша.
Все упование мое на Тя возлагаю, Мати Божия, сохрани мя под кровом Твоим.
Богородице Дево, не презри мене, грешнаго, требующа Твоея помощи и Твоего заступления, на Тя бо упова душа моя, и помилуй мя.
Молитва святого Иоанникия
Упование мое Отец, прибежище мое Сын, покров мой Дух Святый: Троице Святая, слава Тебе.
Достойно есть яко воистинну блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Господи Иисусе Христе, Сыне Божий, молитв ради Пречистыя Твоея Матере, преподобных и богоносных отец наших и всех святых, помилуй нас. Аминь.
* От Пасхи до Вознесения вместо этой молитвы читается тропарь:
"Христос воскресе из мертвых, смертию смерть поправ, и сущим во гробех живот даровав". (Трижды) От Вознесения до Троицы начинаем молитвы со "Святый Боже...", опуская все предшествующие. Это замечание относится и к молитвам на сон грядущим.
Всю Светлую седмицу вместо этого правила читаются часы Святой Пасхи.
** От Пасхи до Вознесения вместо этой молитвы читается припев и ирмос 9-й песни пасхального канона:
«Ангел вопияше Благодатней: Чистая Дево, радуйся! И паки реку: радуйся! Твой Сын воскресе тридневен от гроба и мертвыя воздвигнувый; людие, веселитеся! Светися, светися, новый Иерусалиме, слава бо Господня на тебе возсия. Ликуй ныне и веселися, Сионе. Ты же, Чистая, красуйся, Богородице, о востании Рождества Твоего».
Эти замечания относятся и к молитвам на сон грядущим.
Составлено с использованием материалов книги:
Как научиться домашней молите. Москва, «Ковчег», 2004. Трифонов Печенгский монастырь
Во имя Отца, и Сына, и Святаго Духа. Аминь.
Господи Иисусе Христе, Сыне Божий, молитв ради Пречистыя Твоея Матере, преподобных и богоносных отец наших и всех святых, помилуй нас. Аминь.
Слава Тебе, Боже наш, слава Тебе.
Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй. (Трижды) Слава, и нынe:(читать полностью "Слава Отцу и Сыну и Святому Духу","И ныне и присно и вовеки веков.Аминь".)
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Тропари
Помилуй нас, Господи, помилуй нас; всякаго бо ответа недоумеюще, сию Ти молитву яко Владыце грешнии приносим: помилуй нас.
Слава: Господи, помилуй нас, на Тя бо уповахом; не прогневайся на ны зело, ниже помяни беззаконий наших, но призри и ныне яко благоутробен, и избави ны от враг наших; Ты бо еси Бог наш, и мы людие Твои, вси дела руку Твоею, и имя Твое призываем.
И ныне: Милосердия двери отверзи нам, благословенная Богородице, надеющиися на Тя да не погибнем, но да избавимся Тобою от бед: Ты бо еси спасение рода христианскаго.
Господи, помилуй. (12 раз)
Молитва 1-я, святого Макария Великого, к Богу Отцу
Боже вечный и Царю всякаго создания, сподобивый мя даже в час сей доспети, прости ми грехи, яже сотворих в сей день делом, словом и помышлением, и очисти, Господи, смиренную мою душу от всякия скверны плоти и духа. И даждь ми, Господи, в нощи сей сон прейти в мире, да востав от смиреннаго ми ложа, благоугожду пресвятому имени Твоему, во вся дни живота моего, и поперу борющия мя враги плотския и безплотныя. И избави мя, Господи, от помышлений суетных, оскверняющих мя, и похотей лукавых. Яко Твое есть царство, и сила и слава, Отца и Сына и Святаго Духа, ныне и присно и во веки веков. Аминь.
Молитва 2-я, святого Антиоха, ко Господу нашему Иисусу Христу
Вседержителю, Слово Отчее, Сам совершен сый, Иисусе Христе, многаго ради милосердия Твоего никогдаже отлучайся мене, раба Твоего, но всегда во мне почивай. Иисусе, добрый Пастырю Твоих овец, не предаждь мене крамоле змиине, и желанию сатанину не остави мене, яко семя тли во мне есть. Ты убо, Господи Боже покланяемый, Царю Святый, Иисусе Христе, спяща мя сохрани немерцающим светом, Духом Твоим Святым, Имже освятил еси Твоя ученики. Даждь, Господи, и мне, недостойному рабу Твоему, спасение Твое на ложи моем: просвети ум мой светом разума святаго Евангелия Твоего, душу любовию Креста Твоего, сердце чистотою словесе Твоего, тело мое Твоею страстию безстрастною, мысль мою Твоим смирением сохрани, и воздвигни мя во время подобно на Твое славословие. Яко препрославлен еси со Безначальным Твоим Отцем и с Пресвятым Духом во веки. Аминь.
Молитва 3- я, ко Пресвятому Духу
Господи, Царю Небесный, Утешителю, Душе истины, умилосердися и помилуй мя грешнаго раба Твоего, и отпусти ми недостойному, и прости вся, елика Ти согреших днесь яко человек, паче же и не яко человек, но и горее скота, вольныя моя грехи и невольныя, ведомыя и неведомыя: яже от юности и науки злы, и яже суть от нагльства и уныния. Аще именем Твоим кляхся, или похулих е в помышлении моем; или кого укорих; или оклеветах кого гневом моим, или опечалих, или о чем прогневахся; или солгах, или безгодно спах, или нищ прииде ко мне, и презрех его; или брата моего опечалих, или свадих, или кого осудих; или развеличахся, или разгордехся, или разгневахся; или стоящу ми на молитве, ум мой о лукавствии мира сего подвижеся, или развращение помыслих; или объядохся, или опихся, или без ума смеяхся; или лукавое помыслих, или доброту чуждую видев, и тою уязвлен бых сердцем; или неподобная глаголах, или греху брата моего посмеяхся, моя же суть безчисленная согрешения; или о молитве не радих, или ино что содеях лукавое, не помню, та бо вся и больша сих содеях. Помилуй мя, Творче мой Владыко, унылаго и недостойнаго раба Твоего, и остави ми, и отпусти, и прости мя, яко Благ и Человеколюбец, да с миром лягу, усну и почию, блудный, грешный и окаянный аз, и поклонюся, и воспою, и прославлю пречестное имя Твое, со Отцем, и Единородным Его Сыном, ныне и присно и во веки. Аминь.
Молитва 4-я, святого Макария Великого
Что Ти принесу, или что Ти воздам, великодаровитый Безсмертный Царю, щедре и человеколюбче Господи, яко ленящася мене на Твое угождение, и ничтоже благо сотворша, привел еси на конец мимошедшаго дне сего, обращение и спасение души моей строя? Милостив ми буди грешному и обнаженному всякаго дела блага, возстави падшую мою душу, осквернившуюся в безмерных согрешениих, и отыми от мене весь помысл лукавый видимаго сего жития. Прости моя согрешения, едине Безгрешне, яже Ти согреших в сей день, ведением и неведением, словом, и делом, и помышлением, и всеми моими чувствы. Ты Сам, покрывая, сохрани мя от всякаго сопротивнаго обстояния Божественною Твоею властию, и неизреченным человеколюбием, и силою. Очисти, Боже, очисти множество грехов моих. Благоволи, Господи, избавити мя от сети лукаваго, и спаси страстную мою душу, и осени мя светом лица Твоего, егда приидеши во славе, и неосужденна ныне сном уснути сотвори, и без мечтания, и несмущен помысл раба Твоего соблюди, и всю сатанину детель отжени от мене, и просвети ми разумныя очи сердечныя, да не усну в смерть. И посли ми Ангела мирна, хранителя и наставника души и телу моему, да избавит мя от враг моих; да востав со одра моего, принесу Ти благодарственныя мольбы. Ей, Господи, услыши мя грешнаго и убогаго раба Твоего, изволением и совестию; даруй ми воставшу словесем Твоим поучитися, и уныние бесовское далече от мене отгнано быти сотвори Твоими Ангелы; да благословлю имя Твое святое, и прославлю, и славлю Пречистую Богородицу Марию, Юже дал еси нам грешным заступление, и приими Сию молящуюся за ны; вем бо, яко подражает Твое человеколюбие, и молящися не престает. Тоя заступлением, и Честнаго Креста знамением, и всех святых Твоих ради, убогую душу мою соблюди, Иисусе Христе Боже наш, яко Свят еси, и препрославлен во веки. Аминь.
Молитва 5-я
Господи Боже наш, еже согреших во дни сем словом, делом и помышлением, яко Благ и Человеколюбец прости ми. Мирен сон и безмятежен даруй ми. Ангела Твоего хранителя посли, покрывающа и соблюдающа мя от всякаго зла, яко Ты еси хранитель душам и телесем нашим, и Тебе славу возсылаем, Отцу и Сыну и Святому Духу, ныне и присно и во веки веков. Аминь.
Молитва 6-я
Господи Боже наш, в Негоже веровахом, и Егоже имя паче всякаго имене призываем, даждь нам, ко сну отходящим, ослабу души и телу, и соблюди нас от всякаго мечтания, и темныя сласти кроме; устави стремление страстей, угаси разжжения востания телеснаго. Даждь нам целомудренно пожити делы и словесы; да добродетельное жительство восприемлюще, обетованных не отпадем благих Твоих, яко благословен еси во веки. Аминь.
Молитва 7-я, святого Иоанна Златоуста
(24 молитвы, по числу часов дня и ночи)
Господи, не лиши мене небесных Твоих благ.
Господи, избави мя вечных мук.
Господи, умом ли или помышлением, словом или делом согреших, прости мя.
Господи, избави мя всякаго неведения и забвения, и малодушия, и окамененнаго нечувствия.
Господи, избави мя от всякаго искушения.
Господи, просвети мое сердце, еже помрачи лукавое похотение.
Господи, аз яко человек согреших, Ты же яко Бог щедр, помилуй мя, видя немощь души моея.
Господи, посли благодать Твою в помощь мне, да прославлю имя Твое святое.
Господи Иисусе Христе, напиши мя раба Твоего в книзе животней и даруй ми конец благий.
Господи, Боже мой, аще и ничтоже благо сотворих пред Тобою, но даждь ми по благодати Твоей положити начало благое.
Господи, окропи в сердце моем росу благодати Твоея.
Господи небесе и земли, помяни мя грешнаго раба Твоего, студнаго и нечистаго, во Царствии Твоем. Аминь.
Господи, в покаянии приими мя.
Господи, не остави мене.
Господи, не введи мене в напасть.
Господи, даждь ми мысль благу.
Господи, даждь ми слезы и память смертную, и умиление.
Господи, даждь ми помысл исповедания грехов моих.
Господи, даждь ми смирение, целомудрие и послушание.
Господи, даждь ми терпение, великодушие и кротость.
Господи, всели в мя корень благих, страх Твой в сердце мое.
Господи, сподоби мя любити Тя от всея души моея и помышления и творити во всем волю Твою.
Господи, покрый мя от человек некоторых, и бесов, и страстей, и от всякия иныя неподобныя вещи.
Господи, веси, яко творши, якоже Ты волиши, да будет воля Твоя и во мне грешнем, яко благословен еси во веки. Аминь.
Молитва 8-я, ко Господу нашему Иисусу Христу
Господи Иисусе Христе, Сыне Божий, ради честнейшия Матере Твоея, и безплотных Твоих Ангел, Пророка же и Предтечи и Крестителя Твоего, богоглаголивых же апостол, светлых и добропобедных мученик, преподобных и богоносных отец, и всех святых молитвами, избави мя настоящаго обстояния бесовскаго. Ей, Господи мой и Творче, не хотяй смерти грешнаго, но якоже обратитися и живу быти ему, даждь и мне обращение окаянному и недостойному; изми мя от уст пагубнаго змия, зияющаго пожрети мя и свести во ад жива. Ей, Господи мой, утешение мое, Иже мене ради окаяннаго в тленную плоть оболкийся, исторгни мя от окаянства, и утешение подаждь души моей окаянней. Всади в сердце мое творити Твоя повеления, и оставити лукавая деяния, и получити блаженства Твоя: на Тя бо, Господи, уповах, спаси мя.
Молитва 9-я, ко Пресвятой Богородице, Петра Студийского
К Тебе Пречистей Божией Матери аз окаянный припадая молюся: веси, Царице, яко безпрестани согрешаю и прогневляю Сына Твоего и Бога моего, и многажды аще каюся, лож пред Богом обретаюся, и каюся трепеща: неужели Господь поразит мя, и по часе паки таяжде творю; ведущи сия, Владычице моя Госпоже Богородице, молю, да помилуеши, да укрепиши, и благая творити да подаси ми. Веси бо, Владычице моя Богородице, яко отнюд имам в ненависти злая моя дела, и всею мыслию люблю закон Бога моего; но не вем, Госпоже Пречистая, откуду яже ненавижду, та и люблю, а благая преступаю. Не попущай, Пречистая, воли моей совершатися, не угодна бо есть, но да будет воля Сына Твоего и Бога моего: да мя спасет, и вразумит, и подаст благодать Святаго Духа, да бых аз отселе престал сквернодейства, и прочее пожил бых в повелении Сына Твоего, Емуже подобает всякая слава, честь и держава, со Безначальным Его Отцем, и Пресвятым и Благим и Животворящим Его Духом, ныне и присно, и во веки веков. Aминь.
Молитва 10-я, ко Пресвятой Богородице
Благаго Царя благая Мати, Пречистая и Благословенная Богородице Марие, милость Сына Твоего и Бога нашего излей на страстную мою душу и Твоими молитвами настави мя на деяния благая, да прочее время живота моего без порока прейду и Тобою рай обрящу, Богородице Дево, едина Чистая и Благословенная.
Молитва 11-я, ко святому Ангелу хранителю
Ангеле Христов, хранителю мой святый и покровителю души и тела моего, вся ми прости, елика согреших во днешний день, и от всякаго лукавствия противнаго ми врага избави мя, да ни в коемже гресе прогневаю Бога моего; но моли за мя грешнаго и недостойнаго раба, яко да достойна мя покажеши благости и милости Всесвятыя Троицы и Матере Господа моего Иисуса Христа и всех святых. Аминь.
Кондак Богородице
Взбранной Воеводе победительная, яко избавльшеся от злых, благодарственная восписуем Ти раби Твои, Богородице, но яко имущая державу непобедимую, от всяких нас бед свободи, да зовем Ти; радуйся, Невесто Неневестная.
Преславная Приснодево, Мати Христа Бога, принеси нашу молитву Сыну Твоему и Богу нашему, да спасет Тобою души наша.
Все упование мое на Тя возлагаю, Мати Божия, сохрани мя под кровом Твоим.
Богородице Дево, не презри мене, грешнаго, требующа Твоея помощи и Твоего заступления, на Тя бо упова душа моя, и помилуй мя.
Молитва святого Иоанникия
Упование мое Отец, прибежище мое Сын, покров мой Дух Святый: Троице Святая, слава Тебе.
Достойно есть яко воистинну блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Слава, и ныне: Господи, помилуй. (Трижды)
Господи Иисусе Христе, Сыне Божий, молитв ради Пречистыя Твоея Матере, преподобных и богоносных отец наших и всех святых, помилуй нас. Аминь.
Молитва святого Иоанна Дамаскина
Владыко Человеколюбче, неужели мне одр сей гроб будет, или еще окаянную мою душу просветиши днем? Се ми гроб предлежит, се ми смерть предстоит. Суда Твоего, Господи, боюся и муки безконечныя, злое же творя не престаю: Тебе Господа Бога моего всегда прогневляю, и Пречистую Твою Матерь, и вся Небесныя силы, и святаго Ангела хранителя моего. Вем убо, Господи, яко недостоин есмь человеколюбия Твоего, но достоин есмь всякаго осуждения и муки. Но, Господи, или хощу, или не хощу, спаси мя. Аще бо праведника спасеши, ничтоже велие; и аще чистаго помилуеши, ничтоже дивно: достойни бо суть милости Твоея. Но на мне грешнем удиви милость Твою: о сем яви человеколюбие Твое, да не одолеет моя злоба Твоей неизглаголанней благости и милосердию: и якоже хощеши, устрой о мне вещь.
Просвети очи мои, Христе Боже, да не когда усну в смерть, да не когда речет враг мой: укрепихся на него.
Слава: Заступник души моея буди, Боже, яко посреде хожду сетей многих; избави мя от них и спаси мя, Блаже, яко Человеколюбец.
И ныне: Преславную Божию Матерь, и святых Ангел Святейшую, немолчно воспоим сердцем и усты, Богородицу сию исповедающе, яко воистинну рождшую нам Бога воплощенна, и молящуюся непрестанно о душах наших.
Знаменуй себя крестом и говори молитву Честному Кресту:
Да воскреснет Бог, и расточатся врази Его, и да бежат от лица Его ненавидящии Его. Яко исчезает дым, да исчезнут; яко тает воск от лица огня, тако да погибнут беси от лица любящих Бога и знаменующихся крестным знамением, и в веселии глаголющих: радуйся, Пречестный и Животворящий Кресте Господень, прогоняяй бесы силою на тебе пропятаго Господа нашего Иисуса Христа, во ад сшедшаго и поправшего силу диаволю, и даровавшаго нам тебе Крест Свой Честный на прогнание всякаго супостата. О, Пречестный и Животворящий Кресте Господень! Помогай ми со Святою Госпожею Девою Богородицею и со всеми святыми во веки. Аминь.
Или кратко:
Огради мя, Господи, силою Честнаго и Животворящаго Твоего Креста, и сохрани мя от всякаго зла.
Молитва
Ослаби, остави, прости, Боже, прегрешения наша, вольная и невольная, яже в слове и в деле, яже в ведении и не в ведении, яже во дни и в нощи, яже во уме и в помышлении: вся нам прости, яко Благ и Человеколюбец.
Молитва
Ненавидящих и обидящих нас прости, Господи Человеколюбче. Благотворящим благосотвори. Братиям и сродником нашим даруй яже ко спасению прошения и жизнь вечную. В немощех сущия посети и исцеление даруй. Иже на мори управи. Путешествующим спутешествуй. Служащим и милующим нас грехов оставление даруй. Заповедавших нам недостойным молитися о них помилуй по велицей Твоей милости. Помяни, Господи, прежде усопших отец и братий наших и упокой их, идеже присещает свет лица Твоего. Помяни, Господи, братий наших плененных и избави я от всякаго обстояния. Помяни, Господи, плодоносящих и доброделающих во святых Твоих церквах, и даждь им яже ко спасению прошения и жизнь вечную. Помяни, Господи, и нас, смиренных и грешных и недостойных раб Твоих, и просвети наш ум светом разума Твоего, и настави нас на стезю заповедей Твоих, молитвами Пречистыя Владычицы нашея Богородицы и Приснодевы Марии и всех Твоих святых: яко благословен еси во веки веков. Аминь.
Исповедание грехов повседневное
Исповедаю Тебе Господу Богу моему и Творцу, во Святей Троице Единому, славимому и покланяемому, Отцу и Сыну и Святому Духу, вся моя грехи, яже содеях во вся дни живота моего, и на всякий час, и в настоящее время, и в прешедшия дни и нощи, делом, словом, помышлением, объядением, пиянством, тайноядением, празднословием, унынием, леностию, прекословием, непослушанием, оклеветанием, осуждением, небрежением, самолюбием, многостяжанием, хищением, неправдоглаголанием, скверноприбытчеством, мшелоимством, ревнованием, завистию, гневом, памятозлобием, ненавистию, лихоимством и всеми моими чувствы: зрением, слухом, обонянием, вкусом, осязанием и прочими моими грехи, душевными вкупе и телесными, имиже Тебе Бога моего и Творца прогневах, и ближняго моего онеправдовах: о сих жалея, винна себе Тебе Богу моему представляю, и имею волю каятися: точию, Господи Боже мой, помози ми, со слезами смиренно молю Тя: прешедшая же согрешения моя милосердием Твоим прости ми, и разреши от всех сих, яже изглаголах пред Тобою, яко Благ и Человеколюбец.
Когда отходишь ко сну, произноси:
В руце Твои, Господи Иисусе Христе, Боже мой, предаю дух мой: Ты же мя благослови, Ты мя помилуй и живот вечный даруй ми. Аминь.
Святитель Игнатий (Брянчанинов) в «Поучении о молитвенном правиле» писал: «Правило! Какое точное название, заимствованное из самого действия, производимого на человека молитвами, называемыми правилом! Молитвенное правило направляет правильно и свято душу, научает ее поклоняться Богу Духом и Истиною (Ин. 4:23), между тем как душа, будучи предоставлена самой себе, не могла бы идти правильно путем молитвы. По причине своего повреждения и омрачения грехом она совращалась бы непрестанно в стороны, нередко в пропасти, то в рассеянность, то в мечтательность, то в различные пустые и обманчивые призраки высоких молитвенных состояний, сочиняемых ее тщеславием и сластолюбием.
Молитвенные правила удерживают молящегося в спасительном расположении, смирении и покаянии, научая его непрестанному самоосуждению, питая его умилением, укрепляя его надеждой на Всеблагого и Всемилосердого Бога, увеселяя миром Христовым, любовью к Богу и к ближним».
Из этих слов святого явствует, что очень спасительно читать утреннее и вечернее молитвенное правило. Оно в духовном отношении вырывает человека из сумятицы ночных сновидений или дневных забот и поставляет его перед Богом. И душа человеческая входит со своим Создателем в общение. Благодать Святого Духа нисходит на человека, приводит его в нужный покаянный настрой, дарит ему внутренние мир и гармонию, отгоняет от него бесов («Сей же род изгоняется только молитвою и постом» (Мф. 17:21), ниспосылает ему Божье благословение и силы жить. Тем более что молитвы писали святые люди: святители Василий Великий и Иоанн Златоуст, преподобный Макарий Великий и другие. То есть сам строй правила очень полезен для человеческой души.
Потому, конечно же, читать ежедневно утреннее и вечернее молитвенное правило, если можно так выразиться, - необходимый минимум для православного христианина. Причем оно не занимает много времени. У того, кто вошел в навык чтения, - около двадцати минут утром и столько же вечером.
Если вы не успеваете почитать утреннее правило все сразу, тогда разбейте его на несколько частей. «Шапочку» от начала и до «Господи помилуй» (12 раз) включительно можно, например, почитать дома; следующие молитвы - во время пауз в работе или своих дневных занятий. В этом, конечно же, нужно исповедоваться, но лучше так, чем вообще не прочитать. Все мы люди, и понятно, что очень грешные и занятые. Окончание утренних молитв также вы сами себе регулируете. Это касается помянника. Вы можете прочитать расширенный помянник или сокращенный. На ваше усмотрение, в зависимости от имеющегося времени.
Довольно распространенной ошибкой новоначального православного христианина является чтение вечернего молитвенного правила непосредственно перед сном. Вы качаетесь, шатаетесь, бормочете слова молитвы, а сами думаете, как бы лечь в кровать под теплое одеяло и уснуть. Вот и получается - не молитва, а мучение. Обязательная каторга перед сном.
На самом деле вечернее молитвенное правило читается несколько по-иному. Игумен Никон (Воробьев) писал о том, что после вечерних молитв можно оставлять время для того, чтобы поговорить и попить чайку.
То есть, по сути, вы можете вечернее молитвенное правило читать от начала и до молитвы святого Иоанна Дамаскина «Владыко Человеколюбче…» Если вы, дорогие братья и сестры, обратили внимание, то перед этим молитвословием есть отпустительная молитва: «Господи Иисусе Христе, Сыне Божий… помилуй нас. Аминь». Это действительно отпуст. Вечерние молитвы до него включительно вы можете прочитать задолго до сна: в шесть, семь, восемь часов вечера. Потом заняться своими повседневными вечерними делами. Можно еще покушать и попить чайку, как говорил отец Никон, пообщаться с близкими.
А уже начиная с молитвы «Владыко Человеколюбче…» и до конца правило читается непосредственно перед сном. Во время молитвы «Да воскреснет Бог» нужно перекреститься и можно перекрестить свою кровать и дом на четыре стороны света (начиная по православной традиции с востока), ограждая себя, близких и свое жилище крестным знамением от всякого зла.
После прочтения второй половины вечерних молитв уже ничего не естся и не пьется. В молитве «В руце Твои, Господи…» вы испрашиваете благословение у Бога на хороший сон и предаете свою душу Ему. После этого следует ложиться спать.
Также хочется обратить ваше внимание, уважаемые братья и сестры, на правило преподобного Серафима Саровского. Многие его понимают как троекратное прочтение в день (утром, в обед, вечером) определенных молитв «Отче наш» (трижды), «Богородице Дево, радуйся…» (трижды) и Символа веры (единожды). Но это не совсем так. Кроме троекратного прочтения правила, преподобный Серафим говорил о том, что человек в первой половине дня должен почти все время читать Иисусову молитву или, если окружают люди, в уме «Господи, помилуй», а после обеда вместо Иисусовой молитвы - «Пресвятая Богородице, спаси мя, грешнаго».
То есть святой Серафим предлагает человеку духовное упражнение в непрерывной молитве, а не просто облегчение вечернего и утреннего молитвенного правила. Можно, конечно, читать молитву по правилу преподобного Серафима Саровского, но только нужно тогда выполнять все предписания великого старца.
Потому, повторюсь еще раз, утреннее и вечернее молитвенное правило - необходимый минимум для православного христианина.
Также хочется обратить ваше внимание, дорогие братья и сестры, на довольно распространенную ошибку, которую мы часто совершаем.
О ней нас предупреждает в вышеупомянутом труде святитель Игнатий: «При совершении правила и поклонов никак нельзя спешить; надо совершать и правила, и поклоны с возможной неспешностью и вниманием. Лучше меньше прочитать молитв и меньше положить поклонов, но со вниманием, чем много и без внимания.
Избери себе правило, соответствующее силам. Сказанное Господом о субботе, что она для человека, а не человек для нее (Мк. 2:27), можно и нужно отнести ко всем благочестивым подвигам, а также и к молитвенному правилу. Молитвенное правило - для человека, а не человек - для правила: оно должно способствовать к достижению человеком духовного преуспеяния, а не служить бременем неудобоносимым (тягостной обязанностью), сокрушающим телесные силы и смущающим душу. Тем более оно не должно служить поводом к гордостному и пагубному самомнению, к пагубному осуждению близких и унижению ближних».
Преподобный Никодим Святогорец в книге «Невидимая брань» писал: «…Много есть духовных лиц, которые лишают себя спасительного плода мира от духовных своих деланий тем, что длят их, полагая, что потерпят ущерб, если не доведут их до конца, в уверенности ложной, конечно, что в этом и состоит совершенство духовное. Следуя таким образом воле своей, они много трудят и мучат себя, но не получают покоя истинного и мира внутреннего, в коем воистину обретается и упокоевается Бог».
То есть нам нужно рассчитывать свои силы в молитве. Следует сесть и подумать о том времени, которым каждый обладает. Если вы, к примеру, экспедитор в торговом предприятии и с утра до ночи находитесь в разъездах или вы замужем, работаете и еще вам нужно уделить время мужу, детям, организовать семейный быт, то, может быть, с вас достаточно утреннего и вечернего молитвенного правила и прочтения двух глав «Апостола», главы Евангелия в день. Потому что если вы возложите на себя еще и чтение различных акафистов, нескольких кафизм, то тогда у вас не останется времени жить. А если вы пенсионер или работаете где-то охранником или на другой работе, располагая свободным временем, то почему бы и не почитать акафисты и кафизмы.
Исследуйте себя, свое время, свои возможности, силы. Соразмеряйте молитвенное правило со своей жизнью, чтобы оно было не в тягость, а в радость. Потому что лучше меньше молитв прочитать, но со вниманием сердечным, чем много, но бездумно, механически. Молитва имеет силу, когда вы вслушиваетесь и вчитываетесь в нее всем своим существом. Тогда в сердце нашем забьет животворный родник общения с Богом.
"У каждого христианина должно быть правило". (Св. Иоанн Златоуст)
"Если сотворить правило без лености, то великую награду от Бога получишь и грехов отпущение". (Св. Иннокентий Иркутский)
I. Поклоны начальные
Во имя Отца, и Сына, и Святаго Духа. Аминь.
Постой мало, молча и затем молись неспешно со страхом Божиим, если возможно, то и со слезами, крепко веруя, что "Дух Святый подкрепляет нас в немощах наших: ибо мы не знаем, о чем молиться, и как должно, но Сам Дух ходатайствует за нас воздыханиями неизреченными" (Рим. 8,26).
Боже, милостив буди мне грешному (поклон).
Боже, очисти грехи моя и помилуй мя (поклон).
Создавши мя Господи, помилуй мя (поклон).
Без числа согреших. Господи, прости мя (поклон).
Владычице моя, Пресвятая Богородице, спаси мя грешнаго (поклон).
Ангеле, хранителю мой святый, от всякаго зла сохрани мя (поклон).
Святый (имя твоего Святого), моли Бога о мне (поклон).
II. Молитвы начальные
Молитвами Святых Отец наших, Господи Иисусе Христе Боже наш, помилуй нас. Аминь.
Слава Тебе, Боже наш, слава Тебе.
Царю Небесный, Утешителю, Душе истины, Иже везде сый и вся исполняяй. Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша. Святый Боже, Святый Крепкий, Святый Безсмертный; помилуй нас (трижды).
Примечание. Во время от Святой Пасхи до Пятидесятницы молитва Св. Духу - "Царю небесный" не читается. В неделю св. Пасхи не читается все трисвятое, а заменяется тропарем "Христос воскресе..." трижды. Также до отдания Пасхи вместо "Достойно есть, яко воистину" читается или поется: "Светися, светися, новый Иерусалиме: слава бо Господня на Тебе возсия; ликуй ныне и веселися Сионе, ты же Чистая красуйся Богородице, о востании Рождества Твоего".
Пресвятая Троице, помилуй нас: Господи, очисти грехи наша; Владыко, прости беззакония наша; Святый, посети и исцели немощи наша имени Твоего ради.
Господи, помилуй (трижды).
Слава Отцу, и Сыну, и Святому Духу, и ныне и присно, и во веке веков. Аминь.
Отче наш, Иже еси на небесех! Да святится имя Твое, да приидет Царствие Tвое; да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Приидите, поклонимся Цареви нашему Богу (поклон).
Приидите, поклонимся и припадем Христу, Цареви нашему Богу (поклон).
Приидите, поклонимся и припадем Самому Христу, Цареви и Богу нашему (поклон).
Помилуй мя, Боже, по велицей милости Твоей, и по множеству щедрот Твоих, очисти беззаконие мое. Наипаче омый мя от беззакония моего, и от греха моего очисти мя. Яко беззаконие мое аз знаю, и грех мой предо мною есть выну. Тебе единому согреших, и лукавое пред Тобою сотворих; яко да оправдишися во словесех Твоих, и победиши, внегда судити Ти.
Се бо в беззакониих зачат есмь, и во гресех роди мя мати моя. Се бо истину возлюбил еси, безвестная и тайная премудрости Твоея явил ми еси. Окропиши мя иссопом, и очищуся; омыеши мя, и паче снега убелюся. Слуху моему даси радость и веселие, возрадуются кости смиренныя. Отврати лице Твое от грех моих, и вся беззакония моя очисти. Сердце чисто созижди во мне Боже, и дух прав обнови во утробе моей. Не отвержи мене от лица Твоего, и Духа Твоего Святаго не отыми от мене. Воздаждь ми радость спасения Твоего, и Духом Владычним утверди мя. Научу беззаконныя путем Твоим, и нечестивии к Тебе обратятся. Избави мя от кровей. Боже, Боже спасения моего, возрадуется язык мой правде Твоей, Господи, устне мои отверзеши, и уста моя возвестят хвалу Твою. Яко аще бы восхотел еси жертвы, дал бых убо, всесожжения не благоволиши. Жертва Богу дух сокрушен, сердце сокрушенно и смиренно Бог не уничижит. Ублажи, Господи, благоволением Твоим Сиона, и да созиждутся стены Иерусалимския. Тогда благоволиши жертву правды, возношение и всесожегаемая: тогда возложат на олтарь Твой тельцы. (псал. 50.)
1. Верую во единаго Бога Отца, Вседержителя, Творца небу и земли, видимым же всем и невидимым.
2. И во единаго Господа Иисуса Христа, Сына Божия, Единороднаго. Иже от Отца рожденнаго прежде всех век. Света от Света, Бога истинна от Бога истинна, рожденна, несотворенна, единосущна Отцу, Имже вся быша.
3. Нас ради человек и нашего ради спасения сшедшаго с небес и воплотившагося от Духа Свята и Марии Девы, и вочеловечшася.
4. Распятаго же за ны при Понтийстем Пилате, и страдавша, и погребенна.
5. И воскресшаго в третий день по Писанием.
6. И возшедшаго на небеса, и седяща одесную Отца;
7. И паки грядущаго со славою судити живым и мертвым, Егоже Царствию не будет конца.
8. И в Духа Святаго, Господа, Животворящаго, Иже от Отца исходящаго, Иже со Отцем и Сыном споклоняема и сславима, глаголавшаго пророки.
9. Во едину Святую, Соборную и Апостольскую Церковь.
10. Исповедую едино крещение во оставление грехов.
11. Чаю воскресения мертвых;
12. И жизни будущаго века. Аминь.
Молитва утренняя (читай только утром)
К Тебе, Владыко Человеколюбче, от сна востав, прибегаю и на дела Твоя подвизаюся милосердием Твоим; и молюся Тебе: помози ми на всякое время, во всякой вещи, и избави мя от всякия мирския злыя вещи и диавольскаго поспешения, и спаси мя и введи в Царство Твое вечное. Ты бо еси мой Сотворитель, и всякому благу Промысленник и Податель, о Тебе же все упование мое, и Тебе славу возсылаю, ныне и присно, и во веки веков. Аминь.
Молитва вечерняя (читай только вечером)
Господи Боже наш, еже согреших во дни сем словом, делом и помышлением, яко Благ и Человеколюбец, прости ми. Мирен сон и безмятежен даруй ми; Ангела Твоего хранителя пошли, покрывающа и соблюдающа мя от всякаго зла; яко Ты еси хранитель душам и телесем нашим и Тебе славу возсылаем. Отцу и Сыну и Святому Духу, ныне и присно, и во веке веков. Аминь.
Богородице Дево, радуйся. Благодатная Марие, Господь с Тобою: благословена Ты в женах, и благословен плод чрева Твоего, яко Спаса родила еси душ наших.
Ослаби, остави, прости, Боже, прегрешения наша, вольная и невольная, яже в слове и в деле, яже в ведении и не в ведении, яже в дни и в нощи, яже во уме и в помышлении: вся нам прости, яко Благ и Человеколюбец.
Ненавидящих и обидящих нас прости, Господи Человеколюбче. Благотворящим благосотвори. Братиям и сродником нашим даруй яже ко спасению прошения и жизнь вечную: в немощех сущия посети, и исцеление даруй. Иже на мори управи. Путешествующим спутешествуй. Императору споборствуй. Служащим и милующим нас грехов оставление даруй. Заповедавших нам недостойным молитися о них помилуй по велице Твоей милости. Помяни, Господи, прежде усопших отец и братий наших, и упокой их, идеже присещает свет лица Твоего. Помяни, Господи, братий наших плененных, и избави я от всякаго обстояния. Помяни, Господи, плодоносящих и доброделающих во святых Твоих церквах, и даждь им яже ко спасению прошения и жизнь вечную. Помяни, Господи, и нас смиренных и грешных и недостойных раб Твоих, и просвети наш ум светом разума Твоего, и настави нас на стезю заповедей Твоих молитвами Пречистыя Владычицы нашея Богородицы и Приснодевы Марии, и всех Твоих Святых, яко благословен еси во веки веков. Аминь (поклон).
Помянник о живых
Спаси, Господи, и помилуй отца моего духовнаго (имя его), и святыми его молитвами прости моя согрешения (поклон). Спаси, Господи, и помилуй родители моя (имена их), братию и сестры, и сродники моя по плоти и вся ближния рода моего, и други, и даруй им мирная Твоя и премирная благая (поклон).
Спаси, Господи, и помилуй ненавидящия и обидящия мене и творящия ми напасти, и не остави их погибнути меня ради грешнаго (поклон).
Ускори, Господи, просветить неведущих Тя (язычников) светом Евангелия Твоего, и погибельными ересьми и расколом ослепленная вразуми и присоедини ко Святей Твоей Апостольской и Соборной Церкви (поклон).
О усопших
Помяни, Господи, души успоших рабов Твоих родителей моих (имена их) и всех сродников по плоти; и прости их вся согрешения вольная и невольная, даруй им Царствие и причастие вечных Твоих благих и Твоя безконечныя и блаженныя жизни наслаждение (поклон).
Подаждь, Господи, оставление грехов всем прежде отшедшим в вере и надежде воскресения отцем, братиям и сестрам нашим и сотвори им вечную память (трижды).
Окончание молитв
Преславная Приснодево, Мати Христа Бога, принеси нашу молитву Сыну Твоему и Богу нашему, да спасет Тобою души наша.
Упование мое Отец, прибежище мое Сын, покров мой Дух Святый! Троице Святая, слава Тебе.
Достойно есть яко воистинну блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Слава Отцу, и Сыну, и Святому Духу, и ныне, и присно, и во веки веков. Аминь.
Господи помилуй (трижды). Благослови.
Отпуст
Господи Иисусе Христе, Сыне Божий, молитв ради Пречистыя Твоея Матере, преподобных и богоносных отец наших и святаго (помяни Святаго настоящаго дня) и всех святых, помилуй нас. Аминь. (три поклона).
Примечание 1-е. Утром, не совершивши молитвы, не приступай ни к пище, ни к питью, ни к какому делу. Перед началом всякого дела молись так: "Господи, благослови! Во имя Отца и Сына и Святаго Духа. Аминь". По окончании дела произнеси: "Слава Тебе, Боже наш, слава Тебе! Слава Отцу и Сыну и Святому Духу, и ныне и присно, и во веке веков. Аминь".
Перед вкушением пищи читай: "Отче наш"... до конца, затем крестом благослови пищу и питье. (В семье благословляет старший в доме.) По окончании трапезы (пищи) читай "Достойно есть яко воистину..." до конца, ибо Пресвятая Дева Мария через рождение Сына Божия даровала всему миру "истинную пищу и истинное питие" (Иоан. 6, 55), т.е. Тело и Кровь Господа нашего Иисуса Христа. В течение всего дня держи в сердце своем самую краткую, но самую спасительную молитву: "Господи, помилуй!"...
Примечание 2-е. Если тебе предстоит спешное дело и ты очень занят работой, или же находишься в немощи, то никогда не читай наскоро правила без должного внимания, не гневи Бога, и не умножай своих грехов: лучше прочитать одну молитву не спешно, благоговейно, чем несколько молитв наспех, торопливо. Поэтому сильно занятому человеку следует, по благословению преподобномученика Макария Каневского, прочитать одну молитву - "Отче наш..." Если же имеешь времени несколько больше, то, по благословению преп. Серафима Саровского чуд. - прочитай "Отче наш" три раза, "Богородице Дево, радуйся", три раза и "Верую" - один раз.
Примечание 3-е. Если же ты, наоборот, имеешь не мало свободного времени, то отнюдь не проводи его праздно, потому что праздность есть мать пороков, но хотя бы ты был уже не способен к труду по болезни, или старости, - заполняй время подвигом молитвенным, да обретешь великую милость у Господа Бога.
(Текст приводится по книге: Епископ Никольск-Уссурийский Павел; "От святой купели и до гроба", 1915 г.)
Молиться необходимо не только в горе или жизненных затруднениях, но и каждый день, благодаря Бога за все блага, которые Он посылает нам. Молитвы читают, когда просыпаются и ложатся спать, и тем самым призывают благодать Божию на всю жизнь. Постоянное молитвенное правило приносит душевный мир и спокойствие.
За день накапливаются неприятные эмоции, усталость, совершенные поступки отягощают совесть. Все это неблагоприятно отражается на сне. Не всегда тяжелые мысли о предстоящем дают уснуть. Краткие и понятные молитвы Богу, Пресвятой Деве и святым перед сном помогут успокоить мысли и подскажут, как лучше поступить.
Почему молиться нужно ежедневно?
Современная жизнь очень насыщенна, требует от человека полной отдачи и постоянного ускорения, совмещения множества дел. Православному христианину важно не потерять из поля зрения главного, а именно необходимости постоянного общения с Творцом. Важно выделить определенное время для чтения молитвы на сон грядущий и неуклонно его придерживаться. Это поможет выработать привычку и жизнь непременно начнет меняться к лучшему.
Молитва перед сном поможет:
- обратить мысли к Богу;
- принести покаяние в недостойных поступках совершенных в течение дня;
- поблагодарить за жизнь и здоровье, хлеб насущный, приятные моменты;
- отогнать плохие мысли;
- попросить поддержки и помощи на будущее.
Можно прочитывать лишь одну молитву или вычитывать полное вечернее молитвенное правило, обращаться к Богу и святым в готовых текстах или своими словами. Выбор зависит от желания молящегося и наличия свободного времени. Если человек загружен работой и домашними обязанностями можно выучить несколько молитв и прочитывать в пути, или выполняя монотонную работу.
Если есть проблемы со сном от переживаний и стрессов, то рекомендуется прочитывать вечернее молитвенное правило из молитвословов. Обращение ко Всевышнему, Матери Божьей помогут осознать, что не все в силах человека, но все возможно Богу, нервы успокоятся и наступит мирный сон.
Молитва - духовный труд, который приносит благие плоды. Молящийся замечает, что приобретает любовь, терпение, мир в душе. Такое приходит не сразу, но к этому нужно стремиться. Человек постепенно побеждает страсти, берет верх над дурными привычками.
Кому молятся перед сном?
Вечерняя молитва включает в себя обращение к Богу, Пресвятой Богородице, ангелу-хранителю. Также отдельными молениями обращаются к Пресвятому Духу, Животворящему Кресту. Включены в состав правила и молитвы на каждый час дня и ночи, написанные святым Иоанном Златоустом, помянник, исповедание грехов.
У Бога перед сном просят прощения грехов. Нехорошие поступки лишают людей благодати и отгоняют ангела-хранителя, так как святость со злом не совместимы. Но если святым стать еще не удалось, не стоит отчаиваться, ведь в Библии сказано: «Нет человека, который не грешил бы». Ежедневные молитвы помогут в работе над исправлением жизни, ведь Всевышний всегда идет навстречу, ценя даже одно благое намерение.
Бог прощает искренне кающихся, их душа освобождается от бремени грехов, и наступает состояние покоя и надежды на лучшее. Просят у Бога и ангела-хранителя защиты от зла, так как дьявол смущает человека и является причиной впадения в грех. Основная нота ночных молитв - стать достойными благодати Божией, сподобиться вечной жизни с Богом и Его святыми.
Просьбы к Богородице состоят в наставлении на добрые дела и безгрешную жизнь. В правиле присутствует одно необычное моление - кондак Деве Марии, коротко именуемый «Взбранной Воеводе». Это моление было написано после чудесного снятия осады Константинополя, когда патриарх с иконой Богородицы обошел стены города, и опасность миновала.
Вечернее молитвенное правило
В православной традиции существуют готовые молитвенные правила для прочтения утром и вечером. Они обязательны для всех христиан. Их можно найти в каждом молитвослове. Молитвы эти древние и написаны святыми, которые имели большой духовный опыт.
Для начинающих смысл большого числа молитв улавливается лишь в общих чертах и может быть истолкован каждым по-своему, иногда превратно. Такие выражения, как «лютое телесе озлобление» (тяжкое телесное страдание) не всегда понятны читающим. Непонимание слов молитвы превращает моление в простое бессмысленное вычитывание.
Потребность души беседовать с Богом понятным языком лучше прекрасных высокопоэтических произведений на церковнославянском, но непонятных уму молящегося. Сборников молитв и церковных песнопений в переводе на русский язык издано немало. Существует так называемый Толковый молитвослов, в который входят наиболее употребительные молитвы, утренние и на ночь, главнейшие богослужебные тексты, тропари и кондаки больших праздников.
Сильные молитвы на сон грядущий
Молитвенные правила - это помощники, призванные научить христианина правильной молитве. Они не отменяют собственную молитву, но лишь направляют ее. Кроме представленных правил, существуют и другие формы ночных молитв.
Оптинские старцы писали, что молитва должна быть по силе. Лучше уменьшить количество молений, но читать их ежедневно, чем много читать, но не всегда. Старец Амвросий говорил: «Лучше, когда источник непрестанно течет хоть понемногу, нежели много с перерывами… Лучше не великое правило иметь, да постоянно исполнять оное, нежели много с перерывами совершенного оставления ».
Три сильные молитвы на ночь
Великий угодник божий Серафим Саровский советовал 3 сильных молитвы для каждодневного чтения:
- «Отче Наш» 3 раза;
- «Богородице Дево, радуйся» 3 раза;
- Символ веры 1 раз.
Текст молитвы «Отче Наш».